Taariikh nololeedkii ra'iisul wasaare Cabdi Faarax Shirdoon "Saacid"

Taariikh nololeedkii Ra’iisul wasaaraha Jamhuuriyadda Federaalka Soomaaliya Dr. Cabdi Faarax Shirdoon "Saacid"

Madaxweyne Xassan Sheikh Max'ud oo ka hadlaya xafladdii lagu magacaabay ra'iisul wasaaraha Soomaaliya Cabdi Faarax Shirdoon "Saacid"

Xildhiban Publications;- 06 Oktoober, 2012. Ra’iisul wasaare Soomaaliya Cabdi Faarax Shirdoon oo loo yaqaano "Saacid" waxaa uu ku dhashay magaalada Dhuusamareeb ee gobolka Galguduud ee dalka Soomaaliya sanadku markuu ahaa 1958dii, Saacid waa dhaqaale-yahan khibrad dheer u leh ganacsiga sida gaarka ah loo leeyahay.

Dr Cabdi Faarax Shirdoon "Saacid", ra’iisul wasaaraha cusub ee dowladda federaalka Soomaaliya, waxa uu ka qalinjabiyay jaamacaddii ummadda Soomaaliyeed ee Gaheyr sanadku markii uu ahaa 1983dii, taas oo uu ka qaatay shahaadada A bachelor's degree ee maamulka dhinaca dhaqaalaha. Bachelors degrees (sometimes known as 'ordinary' or 'first' degrees) are higher education qualifications that help you develop a thorough understanding of a subject.

Saacid ayaa sanadii 1983 ilaa 1985 ka soo shaqeeyay wasaaraddii maaliyadda iyo beeraha oo uu ka ahaa dhaqaale-yahan halkaas uu 1985 u wareegay ganacsiga gaarka loo leeyahay waxa uuna la soo shaqeeyay shirkaddii lagu magacaabi jiray Bretton woods institutions isla markaana uu ahaa aasaasihii iyo milkiilihii shirkaddii loo yaqaanay Shirdon International Ltd illaa laga soo gaaro sanadkii, 1991dii.

Muddadii dagaalladii sokeeye ee ka dhacay dalkeena ee sanadkii 1991 ayuu u guuray magaalada Nairobi ee wadanka Kenya markaas oo uu noqday aas aasihii iyo milkiilihii shirkadda loo yaqaanay Shitreco Ltd iyo Shaam.

Ra’iisul wasaaraha cusub ee dalka Soomaaliya Dr. Saacid ayaa ahaa muddadii uu socday burburkii qarannimo & dowladnimo ee dalka Soomaaliya wuxuuna ahaa shaqsi u dhuun duleela arrimaha siyaasadda ee dalka Soomaaliya, wallow haddana ay xaaskiisu aheyd xubin ka tirsan baarlamaannadii soo maray dalka Soomaaliya wixii ka dambeeyay sanadkii 2000dii, xilligaas oo ay xubin ka noqotay baarlamaankii dowladdii KMG aheyd ee lagu soo dhisay magaalada Carte ee jamhuuriyadda aan walaalaha nahay ee Djibouti.

Dr Cabdi Faarax Shirdoon ayaa loo doortay May 2012 guddoomiyihii ugu horreeyay ee Golaha Rajo-Forum oo looga dhawaaqay magaalada Nairobi ee dalka Kenya, horraantii sanadkii 2012kii. Saacid waxa uu leeyahay 4 caruur ah iyo xaas waxaana xaaska ra’iisul wasaaraha cusub ee Soomaaliya lagu magacaabaa Caasha Xaaji Cilmi oo ka tirsan xildhibaanada baarlamaanka federaalka Soomaaliya.

Madaxweynaha dowladda Federaalka Soomaaliya, Dr. Xassan Sheikh Max’ud ayaa kaga dhawaaqay munaasabad lagu qabtay gudaha madaxtooyada ee Villa Somalia in ra’iisul wasaaraha xukuumadda cusub ee Soomaaliya in uu noqdo Dr. Cabdi Faarax Shirdoon "Saacid" iyadoo munaasabaddan ay goobjoog ka ahaayeen guddoomiyaha baarlamaanka Proff. Max’ed Sheikh Cusmaan "Jawaari" & ku xigeennadiisa, ra’iisul wasaarihii hore ee xukuuamaddii KMG aheyd ee Soomaaliya, Dr. C/weli Max’ed Cali "Gaas" & xubnihii golihii wasiirada ee uu hoggaamin jiray, isaga oo halkaasina ka jeediyay khudbad uu ku taageerayay xilka loo magacaabay ra’iisul wasaaraha cusub ee Soomaaliya.

Ra’iisul wasaare Cabdi Faarax Shirdoon "Saacid" oo ka mid ahaa musharrixiintii isu soo taagay xilka madaxweynenimada Soomaaliya, sidoo kalena waxa ay madaxweynaha Soomaaliya Xassan Sheikh Max’ud ka wada tirsanaayeen isbaheysi ay ku bahoobeen xisbiyo isbedel-doon ah.

Ra'iisal wasaaraha cusub ee Soomaaliya Dr. cabdi Faarax Shirdoon ayaa laga sugayaa in uu soo dhiso xukuumad leh tayo wanaagsan oo afarta sano ee soo socota gudata waajibaadka horyaalla ee ah in ay dalka iyo dadka ka saarto dhibaatooyinka baaxadda leh ee ay ku jiraan tan & wixii ka dambeeyay qaran burburkii Soomaaliya.

Madaxweynaha Soomaaliya Xassan Sh. Max’ud & Gudd. Baarlamaanka Prof Jawaari ayaa munaasabadda magacaabidda ka hadlay, waxayna ra'iisal wasaaraha cusub u rajeeyeen in uu Ilaahay u fududeeyo xilka loo magacaabay.

United Kingdom
Xildhiban Publications.

Isha Qoraalka
C/casiis Cali Ibrahim "Xildhiban"
Copyright © Xildhiban 2012
All rights reserved.


 

Qoraa Sare
Abdulaziz Ali
Ibrahim "Xildhiban"

Waxay kuu dhigeen ma kugu dhaqeen

Taxanaha
Taariikhda
Soomaaliya

Maahmaahyo
Murti &
Madadaallo

Sooyaalkii suugaanta
Read more..

Xulka
maansooyinka
Read more.....