|
Last update: Axad - 30 August 2009
Cumaan Jaamac Cali "Cusmaan Kalluun"
Cusmaan Jaamac Cali wuxuu ku dhashay waqooyiga dalka Soomaaliya, sanadku markuu ahaa 1941dii. Wuxuu warbarasho dhinaca Injineernimada ku soo qaatay dalkii la oran jiray Midowgii Sofiyeetka ama “USSR”, wuxuuna xubin ka ahaa muddo dheer xubnihii golihii wasiirada ee dowladdii dhexe ee Jamhuuriyadda Dimoqraadiga Soomaaliya ee uu hoggaamin jiray Allaha u naxariistee madaxweyne Max’ed Siyaad Barre. Ing. Cusmaan Jaamac Cali “Cusmaan Kalluun” wuxuu ka soo qabtay dalka Jamhuuriyadda Dimoqraadiga Soomaaliya xilalka kala ah;-
- Wasiirka Kalluumeysiga & Kheyraadka Badda 13kii December 1973dii;
- Wasiirka Kalluumeysiga & Kheyraadka Badda 7dii December 1974tii;
- Wasiirka Kalluumeysiga & Kheyraadka Badda 6ii January 1975tii;
- Wasiirka Kalluumeysiga & Kheyraadka Badda 1dii July 1976dii;
- Wasiirka Kalluumeysiga & Kheyraadka Badda 3dii February 1977dii;
- Wasiirka Kalluumeysiga & Kheyraadka Badda 1dii April 1978dii;
- Wasiirka Kalluumeysiga & Kheyraadka Badda 7dii February 1980kii;
- Wasiirka Kalluumeysiga & Kheyraadka Badda 2dii March 1982dii;
- Wasiirka Kalluumeysiga & Kheyraadka Badda 2dii June 1984tii;
- Wasiirka Shaqada & Guryeynta 13kii April 1989kii;
N.B;- Eeg buugga Taxanaha Taariikhda Soomaaliya ee uu qoray C/casiis Cali Ibrahim “Xildhiban”, lana daabacay 18kii bishii November, sanadkii 2006da.
Cusmaan Jaamac Cali wuxuu muddadii u dhaxeysay 28kii bsihii Oktoobar sanadkii 2002da illaa 12kii bishii November, isla sanadkii 2001 noqday ra’iisul wasaare KMG ah ka dib markii xilkii uu hayay laga qaaday ra’iisul wasaarihii hore ee dowladdii KMG aheyd ee lagu soo dhisay magaalada Carte ee dalka Jamhuuriyadda Djibouti, Prof. Cali Khaliif Galeyr, dowladdaas oo uu horay uga ahaa ra'iisul wasaare ku xigeen.
Cusmaan Jaamac Cali “Cusmaan Kalluun” wuxuu ka mid yahay ururrada rayidka bulshada ee Soomaaliya, welina midnimada & qarannimada dalka jamhuuriyadda Soomaaliya, wuxuuna ka qeybgalaa shirarka ay isugu tagaan qeybaha bulshada Soomaaliya, wuxuuna ku nool yahay magaalada London ee dalka boqortooyada midowday ee Ingiriiska.
Isha Qoraalkan
C/casiis cali Ibrahim "Xildhiban"
|
